Que si. Que está moi ben. Que é un edificio fermosísimo, pero case baleiro, no que se dilapidou unha fortuna que Galiza non ten, mentres se estaban, están e estarán facendo recortes nos gastos sociais máis esenciais. Co que se gastou aí (e co que queda por gastar), entre outras cousas, creábanse unhas cantas empresas e promocionábase a xoves emprendedores e emprendedoras (que en Galiza hainos/as a centos, pero fúganse fóra porque aquí non teñen futuro) e creábanse postos de traballo para a xente dunha Terra que sempre estivo esquecida pola súa propia clase política, nacida aquí, criada aquí, pero que polo que se ve, sigue vivindo de cara á galería e dilapidando, repito, unha fortuna real en facer adornos case inútiles, simplemente porque seica queda moi ben de cara ao mundo exterior.
Gustaríame chegar a ver o día en que se amortizase, euro a euro a inversión feita, pero dubido que chegue a vivir tantos anos para iso. Mentres ireime conformando con ler como se vai progresando no moito que aínda queda por facer aí. E de paso, vendo como a nosa xente nova vai emigrando fóra de Galiza e de España, para buscar algo co que vivir dignamente.